ابرار جمیل ، مظہر اقبال سپرد خاک ۔نماز جنازہ میں شرکت کیلئے انسانوں کا سمندر

Share Button

سماہنی ( سٹاف رپورٹر ) سب ڈویژن سماہنی میں گذشتہ روز قتل ہوئے دونوں نوجوانوں کی نماز جنازہ ادا کر دی گئی ،نماز جنازہ میں شرکت کیلئے انسانوں کا سمندر آمڈ آیا ،رقت آمیز مناظر ،دونوں نوجوانوں کو تھاتھی میں سپرد خاک کر دیا گیا ،نماز جنازہ کے اجتماع میں ممبر قانون ساز اسمبلی علی شان سونی ،سابق امیدوار اسمبلی چوہدری محمد رزاق ،ڈی ایس پی بھمبر چوہدری امین ،انتظامیہ سماہنی سمیت ہزاروں افراد کی شرکت ،تفصیلات کے مطابق گذشتہ روز سماہنی کی فضا اس وقت سوگوار ہوئی جب امام مسجد حافظ عمران ولد منظور حسین جو کہ کمانڈر الیاس کشمیر ی کابھتیجا بھی ہے نے تھاتھی مسجد میں فائرنگ کر کے صوفی محمد جمیل جو کہ کارنر سویٹ ہاوس کے مالک ہیں کے جواں سال بیٹے ابرار جمیل اور ان کے بھانجے مظہر اقبال کو موت کے گھاٹ اتار دیا ،دونوں نوجوانوں نے قاتل عمران کے پیچھے ظہر کی نماز ادا بھی کی سنتیں ادا کرنے کے دوران امام امسجد اور قاتل عمران نے پسٹل سے فائر کر کے دونوں نوجوانوں کو زخمی کر دیا مقتولین کو طبی امداد کیلئے سماہنی سرکاری ہسپتال لایا گیا لیکن وہاں پر بہتر طبی امداد کے فقدان کے باعث دونوں کو میرپور ریفر کیا گیا دونوں مقتولین میرپور جاتے ہوئے راستے میں دم توڑ گئے دونوں مقتولین کی گذشتہ رات گئے پوسٹ مارٹم کیا گیا اور نعشیں ورثاکے حوالے کی گئیں ،تھانہ پولیس چوکی میں درج ہوئی ایف آئی آر جو جمیل ولد غلام حسین کی رپورٹ پر درج ہوئی زیر د فعہ 302,109APCکے مطابق وجہ عناد قاتل کی ہمشیرہ کو طلاق دلوانا بیان کی گئی ہے قاتل عمران کے مطابق طلاق مقتولین نے کروائی تھی جس پر عرصہ سے کشیدگی آرہی تھی واقعہ کے عینی شاہد محمد رشید جو کہ مقتول مظہر اقبال کا سسر بھی ہے ہیں نے میڈیا کو بتایا کہ واقعہ میری موجودگی میں رونما ہوا قاتل عمران نے دونوں مقتولین کو مسجد میں فائر کرکے قتل کیا اور موقع سے فرار ہو گیا ،ادھر سب ڈویژن سماہنی میں عوامی حلقوں کی جانب سے ہسپتال میں طبی سہولیات نہ ملنے پر بھی اشتعال پایا گیا ہے ،تھانہ پولیس چوکی کی نفری ڈی ایس پی اور تھانہ پولیس چوکی کی نگرانی میں قاتل کی گرفتاری کیلئے سر جوڑ کوششوں میں مصروف ہے ،پولیس آفسیران نے میڈیا کو بتایا کہ سفاک قاتل کی گرفتاری کیلئے ہر ممکن وسائل بروے کار لاتے ہوئے ملزم کو جلد گرفتار کر لیں گے ،ادھر وقوعہ بارے اور قاتل بارے معلوم ہوا کہ سفاک قاتل کالعدم تنظیموں کا تربیت یافتہ ہے موصوف نے مقتولین بارے قبل از یں اعلان کر رکھا تھا کہ چار افراد کو بیانک موت سے دوچار کرونگا ادھر تاحال روپوش ملزم کی گرفتاری عمل میں نہ آسکنے پر عوامی حلقوں میں سخت تشویش پائی جا رہی ہے

Facebook Comments
Share Button

About admin